ഇങ്ങനെ പോയാൽ പണിയാവും, തൃഷയ്ക്കും നയന്‍താരയ്ക്കും മഞ്ജു വാര്യരെ പേടി! എന്തിന്? തമിഴ് സിനിമാ ലോകത്ത് ഇപ്പോള്‍ നടക്കുന്നത്?
ഈ മുപ്പത്തിയെട്ടാം വയസ്സില്‍ സയലന്റായി വന്ന് തമിഴകം കീഴടക്കുകയാണ് മഞ്ജു വാര്യര്‍. തമിഴിലെ സൂപ്പര്‍താരങ്ങള്‍ക്കൊപ്പം താരമൂല്യമുള്ള തമിഴ് സിനിമകള്‍ ഏറ്റെടുത്ത് ചെയ്യുന്ന മഞ്ജു നിലവില്‍ തൃഷയ്ക്കും നയന്‍താരയ്ക്കുമെല്ലാം ശക്തമായ വെല്ലുവിളിയുയര്‍ത്തുന്നു.
രണ്ടാം വരവില്‍ മഞ്ജു മലയാള സിനിമയെ മൊത്തത്തില്‍ അടിച്ചു തൂക്കുകയായിരുന്നു. എനിക്കൊന്നും അറിയില്ല, സിനിമ മൊത്തത്തില്‍ മാറി, പ്രേക്ഷക പിന്തുണ വേണം എന്നൊക്കെ പറഞ്ഞ്, പതിനാല് വര്‍ഷങ്ങള്‍ക്ക് ശേഷം തിരിച്ചെത്തിയ മഞ്ജു, ആ വര്‍ഷങ്ങളുടെ ഗ്യാപ് നിഷ്പ്രഭമാക്കുന്ന സിനിമകളാണ് പിന്നീട് ചെയ്തുകൊണ്ടിരുന്നത്. പ്രായത്തെ വെല്ലുന്ന കഥാപാത്രങ്ങളും ലുക്കും കാരണം മറ്റ് മലയാളി നടിമാര്‍ക്ക് മഞ്ജുവിനോട് പിടിച്ചു നില്‍ക്കാന്‍ കഴിയാത്ത അവസ്ഥപോലുമുണ്ടായി.
ഇപ്പോള്‍ തമിഴ് നടിമാര്‍ക്ക് ഭീഷണിയായി വളര്‍ന്നുകൊണ്ടിരിക്കുകയാണ് മഞ്ജു എന്ന വാര്‍ത്തകളാണ് കോടമ്പക്കത്തുനിന്നും കേള്‍ക്കുന്നത്.. പൊതുവെ തമിഴ് സിനിമകളില്‍ നായികാ പ്രാധാന്യമുള്ള സിനിമകള്‍ വരുന്നത് കുറവായിരിക്കും. നായകന് പിന്നില്‍ ചുറ്റിപ്പറ്റുന്ന ഗ്ലാമര്‍ നായിക വേഷങ്ങളില്‍ നിന്ന് നടിമാര്‍ക്ക് മോചനം കിട്ടി തുടങ്ങണമെങ്കില്‍ സമ്പൂര്‍ണ സ്ത്രീപക്ഷ ചിത്രങ്ങള്‍ വരണം. ഒരു സൂപ്പര്‍ താര ചിത്രത്തില്‍ നായകനോളം പ്രാധാന്യമുള്ള റോളുകള്‍ വലിയ തോതില്‍ പ്രതീക്ഷിക്കേണ്ടതില്ല.
നയന്‍താര, തൃഷ കൃഷ്ണന്‍ പോലുള്ള നടിമാര്‍ തന്നെയാണ് ഇപ്പോഴു തമിഴകത്ത് ലീഡ് ചെയ്തു നില്‍ക്കുന്നത്. എന്നാല്‍ ഇവര്‍ക്കും സൂപ്പര്‍ സ്റ്റാര്‍ ചിത്രങ്ങളില്‍ സൈഡ് റോളുകളാണ് പലപ്പോഴും കിട്ടാറുള്ളത്. അതിനിടയിലേക്ക് ഇതാ മഞ്ജു വാര്യര്‍ അടിച്ചു കയറി വരുന്നു. അജിത്ത്, രജിനികാന്ത്, ധനുഷ്, വിജയ് സേതുപതി തുടങ്ങിയ മുന്‍നിര താരങ്ങള്‍ക്കൊപ്പമാണ് മഞ്ജുവിന്റെ സിനിമകള്‍ വരുന്നത്. അതും അഭിനയ സാധ്യതയുള്ള മികച്ച റോളുകള്‍.
ഈ മുപ്പത്തിയെട്ടാമത്തെ വയസ്സിലും സയലന്റായി വന്ന് തമിഴകം കീഴടക്കുകയാണ് മഞ്ജു എന്നൊരു പൊതുസംസാരം തമിഴകത്ത് വന്നുകഴിഞ്ഞു. നിലവില്‍ ടോപ് പൊസിഷന്‍സില്‍ നില്‍ക്കുന്ന നയന്‍താരയ്ക്കും തൃഷയ്ക്കും മഞ്ജുവിന്റെ ഈ വളര്‍ച്ച കടുത്ത വെല്ലുവിളി ഉയര്‍ത്തുന്നു എന്നാണ് റിപ്പോര്‍ട്ടുകള്‍.
അസുരന്‍ എന്ന ധനുഷ് ചിത്രത്തിലൂടെയായിരുന്നു മഞ്ജുവിന്റെ തമിഴ് അരങ്ങേറ്റം. ചിത്രത്തില്‍ ധനുഷിന്റെ ഭാര്യാ വേഷമായിരുന്നു. ഇപ്പോള്‍ ധനുഷിന്റെ മുന്‍ അമ്മായി അച്ഛനും സ്‌റ്റൈല്‍ മന്നനുമായ രജിനികാന്തിന്റെ ഭാര്യയായി അഭിനയിക്കുകയാണ് മഞ്ജു. ജയ് ഭീം എന്ന ചിത്രത്തിന്റെ സംവിധായകനായ ജ്ഞാനവേല്‍ സംവിധാനം ചെയ്യുന്ന വേട്ടയന് എന്ന ചിത്രത്തില്‍ ധനുഷിന്റെ ഭാര്യയായിട്ടാണ് അഭിനയിക്കുന്നത് എന്ന് മഞ്ജു അടുത്തിടെ ഒരു അഭിമുഖത്തില്‍ വെളിപ്പെടുത്തിയിരുന്നു.
ഇതിനിടയില്‍ തുനിവ് എന്ന അജിത്ത് ചിത്രത്തിലും മഞ്ജു നായികയായി എത്തി. വേട്ടയന് പുറമെ മറ്റ് രണ്ട് തമിഴ് ചിത്രങ്ങള്‍ കൂടെ മഞ്ജുവിന്റേതായി തമിഴകത്ത് ഒരുങ്ങുന്നുണ്ട്. വിജയ് സേതുപതി നായകനായി എത്തുന്ന വിടാമുയര്‍ച്ചി പാര്‍ട്ട് 2 ന്റെ ഫസ്റ്റ്‌ലുക്ക് പോസ്റ്ററിന് എല്ലാം ഗംഭീര സ്വീകരണമാണ് ലഭിച്ചത്. മിസ്റ്റര്‍ എക്‌സ് ആണ് മറ്റൊരു തമിഴ് ചിത്രം.
