വൈശാഖ് സംവിധാനം ചെയ്യുന്ന ഏറ്റവും പുതിയ ചലച്ചിത്രം ‘ഖലീഫ’യുടെ ഷൂട്ടിംഗ് ഉടൻ ആരംഭിക്കുകയും ചെയ്യും. പൃഥ്വിരാജിന്റെ പിറന്നാളിനോട് അനുബന്ധിച്ച് പുതിയ പോസ്റ്റർ റിലീസ് ചെയ്താണ് ഇക്കാര്യം അണിയറ പ്രവർത്തകർ അറിയിച്ചത്. ‘പ്രതികാരം സ്വർണ്ണത്തിൽ എഴുതപ്പെടും’ എന്ന ടാഗ് ലൈനോടുകൂടി എത്തുന്ന ചിത്രത്തിൽ ആമിര്‍ അലി എന്ന കഥാപാത്രത്തെയാണ് പൃഥ്വിരാജ് അവതരിപ്പിക്കുന്നത്.
ജിനു വി എബ്രഹാം ആണ് ചിത്രത്തിന് തിരക്കഥ ഒരുക്കുന്നത്. പോക്കിരിരാജ എന്ന ചിത്രത്തിന് ശേഷം വൈശാലും പൃഥ്വിരാജും ഒന്നിക്കുന്നുവെന്ന പ്രത്യേകതയും കൂടി ഖലീഫയ്ക്ക് ഉണ്ട്. ചിത്രം ഒരു ഹൈ വോൾട്ടേജ് മാസ് എന്റർടെയ്‌നർ ആയിരിക്കുമെന്ന് വൈശാഖ് ഉറപ്പ് നൽകുന്നു. ‘ഖലീഫയ്‌ക്കൊപ്പം ഞങ്ങളുടെ ത്രില്ലിംഗ് യാത്ര ആരംഭിക്കുന്നതിന് ആവേശത്തോടെ കാത്തിരിക്കുന്നു’, എന്നാണ് കഴിഞ്ഞ ദിവസം വൈശാഖ് കുറിച്ചത്.
ഇന്ത്യയിലും മറ്റുപല രാജ്യങ്ങളിലായി ഷൂട്ടിംഗ് നടക്കും. എമ്പുരാന്‍ പൂര്‍ത്തിയാക്കിയതിന് ശേഷമാവും പൃഥ്വിരാജ് ഖലീഫയില്‍ ജോയിന്‍ ചെയ്യുക. എല്ലാത്തരം പ്രേക്ഷകര്‍ക്കും ഇഷ്ടപ്പെടുന്ന രീതിയില്‍ ഡിസൈന്‍ ചെയ്തിട്ടുള്ള സിനിമയാണിതെന്നും ആക്ഷന്‍, റൊമാന്‍സ്, ഡ്രാമ, ത്രില്‍സ് എല്ലാം അടങ്ങിയിട്ടുണ്ടെന്ന് ചിത്രത്തിന്റെ സംവിധായാകാൻ വൈശാഖ് പറയുന്നു.
