ആരോഗ്യത്തിന് ഭക്ഷണവും പ്രധാനമാണ്. നല്ല ആരോഗ്യത്തിനും മോശം ആരോഗ്യത്തിനും ഭക്ഷണം വഴിയൊരുക്കും. നമ്മുടെ ചില ഭക്ഷണശീലങ്ങളുണ്ട്. നാം ആരോഗ്യകരമാണെന്ന് കരുതുന്ന, അതേ സമയം കൂടുതല്‍ ആരോഗ്യകരമാക്കാവുന്ന ഒന്ന്. ഇതില്‍ ഒന്നാണ് ഇഡ്ഢലി. ആവിയില്‍ വേവിച്ചെടുക്കുന്നതിനാല്‍ തന്നെ, എണ്ണ ചേര്‍ക്കാത്തതിനാല്‍ തന്നെ ആരോഗ്യകരം എന്ന ഗണത്തില്‍ പെടുത്താവുന്ന, പൊതുവേ സുരക്ഷിതമായ ഭക്ഷണമാണ് ഇത്.
സിംപിള്‍ പ്രാതല്‍
ഇഡ്ഢലി പൊതുവേ ആരോഗ്യകരമെന്ന് പറയുമ്പോഴും ഇത് കൂടുതല്‍ ആരോഗ്യകരമാക്കാനുള്ള വഴികളുമുണ്ട്. സ്റ്റീംകേക്ക് എന്ന് പറയുന്ന ഈ വിഭവം പ്രോട്ടീന്‍ നിറഞ്ഞ ഒരു പ്രതാലാണ്. ഇതിലെ ഉഴുന്നാണ് ഇതിന് പ്രോട്ടീന്‍ സ്വഭാവം നല്‍കുന്നത്. അരിയും ഉഴുന്നും ചേര്‍ത്താണ് ഇതുണ്ടാക്കുന്നത്. പുളിപ്പിച്ച് ആവിയില്‍ തയ്യാറാക്കുന്ന ഈ വിഭവം വളരെപ്പെട്ടെന്ന് തന്നെ ദഹിയ്ക്കുന്ന ഒന്നു കൂടിയാണ്.
സോയാബീന്‍
ഇഡ്ഢലി ആരോഗ്യകരമാക്കി മാറ്റാന്‍ ചില വഴികളുണ്ട്. ഇത്തരം രീതികള്‍ ചെയ്യുന്നത് ഗുണം നല്‍കും. നാം സാധാരണ ഇതില്‍ ഉഴുന്ന് മൂന്നില്‍ ഒരു ഭാഗമാണ് എടുക്കുക. അതായത് മൂന്ന് അരിയെങ്കില്‍ ഒന്ന് ഉഴുന്ന് എടുക്കുന്നു. ഉഴുന്നിലാണ് കൂടുതല്‍ പ്രോട്ടീനുള്ളത്. ഇതിനാല്‍ ഇതിന്റെ അളവ് കൂടുതല്‍ എടുക്കുക. ഉഴുന്നിന് പകരം സോയാബീന്‍ കൂടി ചേര്‍ത്തുണ്ടാക്കും.
ഉലുവ
ഇതുപോലെ പൊതുവേ ഇഡ്ഢലി പ്രമേഹ രോഗികള്‍ക്ക് നല്ലതാണെന്ന് പറയാം. ഇത് കൂടുതല്‍ ഗുണകരമാക്കാന്‍ ചെയ്യാവുന്നതാണ്‌ അരയ്ക്കാനിടുമ്പോള്‍ അല്‍പം ഉലുവ കൂടി ചേര്‍ക്കുന്നത്. ഏറെ നല്ലതാണ്. ഉലുവ പല ഗുണങ്ങളും നല്‍കുന്ന ഒന്നാണ്. ഇത് ആരോഗ്യത്തിന് ഏറെ ഗുണകരമാണ്. പ്രത്യേകിച്ചും പ്രമേഹം പോലുള്ള ആരോഗ്യാവസ്ഥകള്‍ക്ക്. പൊതുവേ ഇഡ്ഢലിയും ദോശയുമെല്ലാം തന്നെ അരി ഉപയോഗിച്ച് തയ്യാറാക്കുന്നതിനാല്‍ പ്രമേഹം, കൊളസ്‌ട്രോള്‍ പ്രശ്‌നങ്ങള്‍ക്ക് കാരണമാകും.
മൃദുവായ ഇഡ്ഢലി തയ്യാറാക്കാന്‍
മൃദുവായ ഇഡ്ഢലി തയ്യാറാക്കാന്‍ ഉഴുന്ന് കുതിര്‍ത്തിയ വെള്ളത്തില്‍ തന്നെ അരിയും ഉഴുന്നുമെല്ലാം അരച്ചെടുക്കണം.നല്ലതുപോലെ കുതിര്‍ത്ത് അരയ്ക്കണം. ഇത് ചൂടുള്ള സ്ഥലത്ത് ഫെര്‍മെന്റാകാന്‍ വയ്ക്കുകയും വേണം. തണുപ്പുള്ള സ്ഥലങ്ങളില്‍ ഇത് മൈക്രോവേവില്‍ ചൂട് ക്രമീകരിച്ച് വച്ച് തയ്യാറാക്കാം. മാവില്‍ വെള്ളം പാകത്തിന് എന്നത് പ്രധാനം. വെള്ളം അധികമാകാനും പാടില്ല, കുറയാനും പാടില്ല. ഇതു രണ്ടും ഇഡ്ഢലിയുടെ മാര്‍ദവം നഷ്ടപ്പെടുത്തും.
